Her

Her er vindar
som kjærteiknar skogens hud

her er fuglar som kvitrar
nøysemdas evangelium

her er leskande kveldar
her er svalande skuggar

her er bekkar av tillit
med flate stein

som kviskrar
at vi skal trø på dei

her er tonar, sleppte ned
frå store høgdar, blir

til vakre songar; kom
la oss syngje dei, kjære syster,

syngje av glede; og det blir kveld
og det blir morgon

sjuande dagen